سیدنا عمر بن خطاب رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”تم اس (یعنی ماہِ رمضان) سے پہلے (روزہ رکھ کر) پیش قدمی نہ کرو؛ چاند دیکھ کر روزہ رکھو اور چاند دیکھ کر ہی افطار کرو، پھر اگر (مطلع ابر آلود ہونے کی وجہ سے چاند) تم پر پوشیدہ ہو جائے تو تیس (دنوں کی گنتی) پوری کرو۔“
امام طبرانی رحمہ اللہ فرماتے ہیں: ”یہ حدیث سیدنا عمر رضی اللہ عنہ سے صرف اسی سند کے ساتھ مروی ہے، اور عبد الرحمن بن مغراء اسے نقل کرنے میں منفرد ہیں۔“ [المعجم الأوسط/باب الميم/حدیث: 6331]