ربیع بن لوط رحمہ اللہ اپنے چچا سیدنا براء بن عازب رضی اللہ عنہ سے روایت کرتے ہیں کہ نبی کریم صلی اللہ علیہ وسلم نے فرمایا: ”جس شخص نے ظہر (کی فرض نماز) سے پہلے چار رکعات ادا کیں، تو گویا اس نے اپنی اسی رات میں ان کے ذریعے تہجد ادا کی، اور جس نے عشا کے بعد یہ (چار رکعات) پڑھیں تو وہ شبِ قدر کی ان جیسی (چار رکعتوں) کے مانند ہوں گی۔ اور جب ایک مسلمان دوسرے مسلمان سے ملتا ہے اور اس کا ہاتھ تھام لیتا ہے (مصافحہ کرتا ہے)، جبکہ وہ دونوں (اپنے تعلق میں) سچے ہوں، تو وہ دونوں جدا نہیں ہوتے یہاں تک کہ ان دونوں کی مغفرت کر دی جاتی ہے۔“
امام طبرانی رحمہ اللہ فرماتے ہیں: ”اس حدیث کو ربیع بن لوط رحمہ اللہ سے صرف عمار ابو ہاشم رحمہ اللہ نے روایت کیا ہے، اور ان سے روایت کرنے میں ناہض بن سالم رحمہ اللہ منفرد ہیں۔“ [المعجم الأوسط/باب الميم/حدیث: 6332]