ابوحریز رحمہ اللہ، جو سیدنا معاویہ رضی اللہ عنہ کے آزاد کردہ غلام ہیں، بیان کرتے ہیں کہ سیدنا معاویہ رضی اللہ عنہ نے لوگوں کو خطبہ دیا اور اپنے خطبے میں یہ ذکر کیا کہ رسول اللہ صلی اللہ علیہ وسلم نے چند چیزوں سے منع فرمایا ہے، (اور فرمایا:) ”میں یہ (احکام) تمہیں پہنچا رہا ہوں اور تمہیں ان چیزوں سے منع کرتا ہوں: نوحہ کرنا، شاعری، تصویریں، درندوں کی کھالیں، سونا اور ریشم۔“
امام طبرانی رحمہ اللہ فرماتے ہیں: ”اس حدیث کو ابوحریز، مولیٰ معاویہ سے صرف عبداللہ بن دینار بہرانی نے روایت کیا ہے، اور عبداللہ بن دینار سے اسے صرف اسماعیل بن عیاش نے روایت کیا ہے۔“ [المعجم الأوسط/باب الميم/حدیث: 6368]