سیدنا انس رضی اللہ عنہ سے روایت ہے کہ انہوں نے فرمایا: ”ہم رسول اللہ صلی اللہ علیہ وسلم کے ساتھ حج کے ارادے سے نکلتے تھے، تو ہم اگلے دن مقامِ «الروحاء» تک نہیں پہنچ پاتے تھے کہ (بلند آواز سے تلبیہ پکارنے کی وجہ سے) ہمارے گلے بیٹھ جاتے تھے۔“ — یعنی تلبیہ کے ساتھ آواز بلند کرنے کی وجہ سے۔
امام طبرانی رحمہ اللہ فرماتے ہیں: ”اس حدیث کو ابوزناد رحمہ اللہ سے صرف عمر بن صہبان رحمہ اللہ نے روایت کیا ہے، اور عمر رحمہ اللہ سے صرف عیسیٰ بن یونس رحمہ اللہ نے، جبکہ موسیٰ بن اعین رحمہ اللہ اسے روایت کرنے میں منفرد ہیں۔“ [المعجم الأوسط/باب الميم/حدیث: 6418]