سعید بن جبیر رحمہ اللہ سے روایت ہے کہ انہوں نے فرمایا: بنی اسرائیل نے کہا: ”اے موسیٰ! کیا آپ کا رب عزوجل ایسی مخلوق پیدا کرتا ہے جسے پھر وہ عذاب دیتا ہے؟“ تو اللہ عزوجل نے ان کی طرف وحی فرمائی: ”کھیتی بوئیں“، چنانچہ انہوں نے کھیتی بوئی، پھر اللہ تعالیٰ نے فرمایا: ”اب اسے کاٹیں“، تو انہوں نے کٹائی کر لی، پھر فرمایا: ”اسے (ہوا میں) اڑائیں (تاکہ غلہ صاف ہو جائے)“، تو انہوں نے اسے اڑا کر صاف کر لیا، پس وہاں بھوسا جمع ہو گیا۔ اللہ تعالیٰ نے دریافت فرمایا: ”یہ کس کام کے لائق ہے؟“ انہوں نے عرض کیا: ”آگ کے لیے“۔ اللہ تعالیٰ نے فرمایا: ”اسی طرح میں اپنی مخلوق میں سے صرف اسے ہی عذاب دیتا ہوں جو آگ کا مستحق ہوتا ہے“۔ [المعجم الأوسط/باب الألف/حدیث: 642]