سیدنا عمرو بن الحمق رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”بندہ اس وقت تک ایمان کی حقیقت کو نہیں پاتا جب تک کہ وہ اللہ کی خاطر غضب ناک نہ ہو اور اللہ ہی کی خاطر راضی نہ ہو، پس جب وہ یہ عمل کر لیتا ہے تو وہ ایمان کی حقیقت کا مستحق ہو جاتا ہے؛ اور یقیناً میرے محبوب اور میرے مقرب دوست وہ لوگ ہیں کہ جب میرا تذکرہ کیا جائے تو وہ یاد آئیں، اور جب ان کا تذکرہ کیا جائے تو میں یاد آؤں۔“
یہ حدیث سیدنا عمرو بن الحمق رضی اللہ عنہ سے صرف اسی سند کے ساتھ مروی ہے، اور رشدین رحمہ اللہ اسے بیان کرنے میں منفرد ہیں۔
دار الحرمین کے مطبوعہ نسخے میں اسی طرح (عبید اللہ) ہے، جبکہ درست نام عبد اللہ بن الولید رحمہ اللہ ہے۔ [المعجم الأوسط/باب الألف/حدیث: 651]