ام المومنین سیدہ عائشہ رضی اللہ عنہا سے روایت ہے کہ بنو بیاضہ کے آزاد کردہ غلام سیدنا ابوہند رضی اللہ عنہ پچھنے لگانے والے (حجام) تھے اور وہ نبی کریم صلی اللہ علیہ وسلم کو پچھنے لگایا کرتے تھے، تو نبی کریم صلی اللہ علیہ وسلم نے فرمایا: ”جسے یہ بات پسند ہو کہ وہ ایسے شخص کو دیکھے جس کے دل میں اللہ تعالیٰ نے ایمان نقش کر دیا ہے، تو اسے چاہیے کہ وہ ابوہند کو دیکھے۔“ اور آپ صلی اللہ علیہ وسلم نے فرمایا: ”تم اس کا نکاح (اپنی کسی بیٹی سے) کر دو اور اس کے ہاں (اپنی اولاد کا) نکاح کرو۔“
امام طبرانی رحمہ اللہ فرماتے ہیں: ”اس حدیث کو امام زہری رحمہ اللہ سے صرف زبیدی رحمہ اللہ نے روایت کیا ہے۔“ [المعجم الأوسط/باب الميم/حدیث: 6544]