سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”کوئی بھی بچہ جب پیدا ہوتا ہے تو اسے ولادت کے وقت شیطان ضرور چھوتا ہے، جس کی وجہ سے وہ چیخ مار کر روتا ہے، سوائے مریم اور ان کے بیٹے کے۔“
پھر سیدنا ابوہریرہ رضی اللہ عنہ فرماتے: ”اگر تم چاہو تو یہ آیت پڑھ لو: ﴿وَإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ﴾ ”اور بے شک میں اسے اور اس کی اولاد کو شیطان مردود سے تیری پناہ میں دیتی ہوں۔““
امام طبرانی رحمہ اللہ فرماتے ہیں: ”اس حدیث کو یحییٰ بن سعید رحمہ اللہ سے زہیر بن محمد رحمہ اللہ کے علاوہ کسی نے روایت نہیں کیا، اور محمد بن عیسیٰ بن سمیع رحمہ اللہ اس کی روایت میں منفرد ہیں۔“ [المعجم الأوسط/باب الميم/حدیث: 6784]