سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”کسی شخص کے شر (میں مبتلا ہونے) کے لیے اتنی بات ہی کافی ہے کہ دین یا دنیا کے معاملات میں (شہرت کی وجہ سے) اس کی طرف انگلیوں سے اشارہ کیا جائے، سوائے اس شخص کے جسے اللہ تعالیٰ نے (فتنہ و فساد سے) محفوظ فرما لیا ہو۔“
امام طبرانی رحمہ اللہ فرماتے ہیں: ”اس حدیث کو عبدالکریم رحمہ اللہ سے صرف عبدالعزیز بن حصین رحمہ اللہ نے روایت کیا ہے، اور اس (کی روایت) کے ساتھ علی بن حجر رحمہ اللہ منفرد ہیں۔“ [المعجم الأوسط/باب الميم/حدیث: 6890]