سیدنا ابودرداء رضی اللہ عنہ سے روایت ہے کہ انہوں نے فرمایا: ”میں نے ام المومنین سیدہ عائشہ رضی اللہ عنہا سے رسول اللہ صلی اللہ علیہ وسلم کے اخلاق کے متعلق دریافت کیا، تو انہوں نے فرمایا: ”آپ صلی اللہ علیہ وسلم کا اخلاق قرآن ہی تھا، قرآن جس (بات) پر ناراض ہوتا آپ صلی اللہ علیہ وسلم بھی اس پر ناراض ہوتے اور جس سے وہ راضی ہوتا آپ صلی اللہ علیہ وسلم بھی اس سے راضی ہو جاتے۔““
سیدنا ابودرداء رضی اللہ عنہ کے واسطے سے ام المومنین سیدہ عائشہ رضی اللہ عنہا سے یہ روایت صرف اسی سند کے ساتھ مروی ہے، اور اسے بیان کرنے میں زید بن واقد رحمہ اللہ منفرد ہیں۔ [المعجم الأوسط/باب الألف/حدیث: 72]