سیدنا عبداللہ بن عمر رضی اللہ عنہما سے روایت ہے کہ وہ تمام سانپوں کو مار ڈالنے کا حکم دیا کرتے تھے، یہاں تک کہ سیدنا ابو لبابہ بن عبدالمنذر رضی اللہ عنہ نے انہیں بتایا کہ نبی کریم صلی اللہ علیہ وسلم نے ان سانپوں کو مارنے سے منع فرمایا ہے جو گھروں میں رہتے ہیں۔ اور انہوں نے یہ بھی بیان کیا کہ نبی کریم صلی اللہ علیہ وسلم حجرِ اسود کا استلام کرنے کے لیے تشریف لے گئے تو آپ صلی اللہ علیہ وسلم کو ایک بچھو نے ڈنک مارا، تو آپ صلی اللہ علیہ وسلم نے فرمایا: ”تجھے کیا ہوا، اللہ تجھ پر لعنت کرے! اگر تو کسی کو چھوڑنے والی ہوتی تو نبی صلی اللہ علیہ وسلم کو چھوڑ دیتی۔“
امام طبرانی رحمہ اللہ فرماتے ہیں: ”اس حدیث کو ہشام سے جعفر کے سوا کسی نے روایت نہیں کیا، اور جعفر سے بکیر کے سوا کسی نے روایت نہیں کیا، اس میں عباس منفرد ہیں، اور حدیث کا آخری حصہ ابو لبابہ سے اسی سند کے سوا مروی نہیں ہے۔“ [المعجم الأوسط/باب الميم/حدیث: 7601]