سیدنا عبدالرحمن بن ابزی رضی اللہ عنہ بیان کرتے ہیں: ”میں رسول اللہ صلی اللہ علیہ وسلم کے ساتھ ایک جنازے میں حاضر تھا، جب آپ صلی اللہ علیہ وسلم نے اس کی نماز پڑھانے کا ارادہ فرمایا تو مڑ کر دیکھا کہ وہاں ایک عورت موجود ہے، آپ صلی اللہ علیہ وسلم نے حکم دیا تو اسے وہاں سے ہٹا دیا گیا یہاں تک کہ آپ صلی اللہ علیہ وسلم نے اسے دیکھنا چھوڑ دیا، پھر آپ صلی اللہ علیہ وسلم آگے بڑھے اور اس پر چار تکبیریں کہیں۔“
امام طبرانی رحمہ اللہ فرماتے ہیں: ”اس حدیث کو سلمہ بن کہیل سے صرف محمد بن سالم نے روایت کیا ہے، اور محمد سے صرف عبیدہ نے، اس میں زحمویہ منفرد ہیں۔“
دار الحرمین کے نسخے میں اسی طرح ہے، جبکہ درست (محمد بن سلمہ) ہے۔ [المعجم الأوسط/باب الميم/حدیث: 7812]