عبدالرحمن بن جرہد رحمہ اللہ سے روایت ہے کہ نبی کریم صلی اللہ علیہ وسلم ان کے والد سیدنا جرہد رضی اللہ عنہ کے پاس سے گزرے جبکہ انہوں نے اپنی ران کھول رکھی تھی، تو آپ صلی اللہ علیہ وسلم نے فرمایا: ”اسے ڈھانپ لو، کیونکہ یہ ستر میں داخل ہے۔“
امام طبرانی رحمہ اللہ فرماتے ہیں: ”اس حدیث کو زہری سے صرف معمر نے روایت کیا ہے، اور معمر سے صرف سعید نے، اس میں محمد بن سواء منفرد ہیں۔“ [المعجم الأوسط/باب الميم/حدیث: 7811]