سیدنا ابو رافع رضی اللہ عنہ بیان کرتے ہیں کہ اللہ کے نبی صلی اللہ علیہ وسلم نے سیدنا عمر بن خطاب رضی اللہ عنہ کو صدقہ (زکوٰۃ) وصول کرنے کے لیے عامل بنا کر بھیجا۔ وہ سیدنا عباس بن عبدالمطلب رضی اللہ عنہ کے پاس آئے تو سیدنا عباس رضی اللہ عنہ نے ان سے سخت لہجے میں بات کی۔ سیدنا عمر رضی اللہ عنہ نبی کریم صلی اللہ علیہ وسلم کے پاس آئے اور آپ صلی اللہ علیہ وسلم سے اس کا ذکر کیا۔ تو نبی کریم صلی اللہ علیہ وسلم نے ان سے فرمایا: ”اے عمر! کیا تمہیں معلوم نہیں کہ آدمی کا چچا اس کے باپ کے برابر (ہم شکل و ہم اصل) ہوتا ہے؟ اور عباس نے تو ہمیں اس سال کا صدقہ گزشتہ سال ہی پیشگی دے دیا تھا۔“
امام طبرانی رحمہ اللہ فرماتے ہیں: ”اس حدیث کو سلیمان احول سے صرف اسماعیل مکی نے روایت کیا ہے، اور اسماعیل سے صرف شریک نے، اور اسحاق ازرق اس میں منفرد ہیں۔“ [المعجم الأوسط/باب الميم/حدیث: 7862]