سیدنا ابو سعید خدری رضی اللہ عنہ سے روایت ہے کہ سیدنا علی رضی اللہ عنہ نے ایک آدمی کو رسول اللہ صلی اللہ علیہ وسلم کے پاس مذی کا حکم دریافت کرنے کے لیے بھیجا، اور سیدہ فاطمہ رضی اللہ عنہا کی نسبت کی وجہ سے خود پوچھنا مناسب نہ سمجھا۔ اس آدمی نے عرض کیا: ”اے اللہ کے رسول! ایک آدمی راستے میں کسی عورت کو دیکھتا ہے اور اسے مذی خارج ہو جاتی ہے، کیا اس پر غسل واجب ہے؟“ آپ صلی اللہ علیہ وسلم نے فرمایا: ”یہ تو وہ کیفیت ہے جس سے جوان مرد دوچار ہوتے ہی ہیں، تمہارے لیے اس سے وضو ہی کافی ہے۔“
امام طبرانی رحمہ اللہ فرماتے ہیں: ”اس حدیث کو ابو ہارون سے محمد بن ثابت کے سوا کسی نے روایت نہیں کیا، اور سیدنا ابو سعید رضی اللہ عنہ سے یہ صرف اسی سند سے مروی ہے۔“ [المعجم الأوسط/باب الميم/حدیث: 7870]