اغر ابو مسلم رحمہ اللہ بیان کرتے ہیں: ”میں گواہی دیتا ہوں کہ میں نے سیدنا ابو ہریرہ اور سیدنا ابو سعید خدری رضی اللہ عنہما سے سنا، وہ دونوں گواہی دیتے تھے کہ انہوں نے رسول اللہ صلی اللہ علیہ وسلم کو فرماتے ہوئے سنا:“ ”جو لوگ بھی بیٹھ کر اللہ کا ذکر کرتے ہیں، انہیں فرشتے گھیر لیتے ہیں، ان پر سکینت نازل ہوتی ہے، رحمت انہیں ڈھانپ لیتی ہے، اور اللہ ان کا ذکر اپنے پاس موجود (فرشتوں) میں فرماتا ہے۔“
امام طبرانی رحمہ اللہ فرماتے ہیں: ”ان احادیث کو اسماعیل بن حماد بن ابی سلیمان سے خالد کے سوا کسی نے روایت نہیں کیا، اور ان کی روایت میں وہب بن بقیہ منفرد ہیں۔“ [المعجم الأوسط/باب الميم/حدیث: 7873]