سیدنا عمران بن حصین رضی اللہ عنہ بیان کرتے ہیں کہ رسول اللہ صلی اللہ علیہ وسلم نے مجھ سے فرمایا: ”اے عمران!“ میں نے عرض کیا: ”حاضر ہوں۔“ آپ صلی اللہ علیہ وسلم نے فرمایا: ”یوں دعا کیا کرو: «اللَّهُمَّ إِنِّي أَسْتَهْدِيكَ لِأَرْشُدَ فِي أَمْرِي، وَأَسْتَجِيرُكَ مِنْ شَرِّ نَفْسِي» ”اے اللہ! میں تجھ سے ہدایت کا طالب ہوں تاکہ اپنے معاملے میں راہِ راست پر رہوں، اور اپنے نفس کی برائی سے تیری پناہ چاہتا ہوں۔““
امام طبرانی رحمہ اللہ فرماتے ہیں: ”اس حدیث کو سعید بن ابی صدقہ سے فضل ابو عبدالرحمن کے سوا کسی نے روایت نہیں کیا، اور فضل سے خالد کے سوا کسی نے روایت نہیں کیا، اور اس میں وہب بن بقیہ منفرد ہیں۔“
دار الحرمین کے مطبوعہ نسخے میں یوں ہی ہے، جبکہ درست نام ”الفضل بن ابی عبدالرحمن“ ہے۔ [المعجم الأوسط/باب الميم/حدیث: 7875]