سیدنا عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”بے شک نفس جلد اکتا جانے والا ہے، اور تم میں سے کوئی نہیں جانتا کہ اس کی مدت (زندگی) کتنی ہے، لہٰذا چاہیے کہ عبادت میں سے اتنی ہی اختیار کرے جتنی اس کی طاقت ہو، پھر اس پر ہمیشگی کرے، کیونکہ اللہ کے نزدیک سب سے پسندیدہ عمل وہ ہے جس پر ہمیشگی کی جائے، خواہ وہ تھوڑا ہی ہو۔“
امام طبرانی رحمہ اللہ فرماتے ہیں: ”اس حدیث کو محمد بن اسحاق سے جارود بن یزید کے سوا کسی نے روایت نہیں کیا، اور اس میں ابن اسحاق منفرد ہیں۔“
دار الحرمین کے نسخے میں اسی طرح (الخضر بن أخرم) ہے، اور غالباً درست ”أصرم“ ہے، اور دار الحرمین کے محقق نے اس پر تنبیہ کی ہے۔ [المعجم الأوسط/باب الميم/حدیث: 7896]