سیدنا عبداللہ بن ابی اوفیٰ رضی اللہ عنہ بیان کرتے ہیں کہ عرب کے کچھ لوگوں نے کہا: ”اے اللہ کے رسول! ہم نے اسلام قبول کر لیا اور ہم نے آپ سے جنگ نہیں کی، جبکہ فلاں فلاں قبیلے نے آپ سے جنگ کی۔“ تو اللہ تعالیٰ نے یہ آیت نازل فرمائی: ﴿يَمُنُّونَ عَلَيْكَ أَنْ أَسْلَمُوا قُلْ لا تَمُنُّوا عَلَيَّ إِسْلامَكُمْ﴾ آخر آیت تک۔
امام طبرانی رحمہ اللہ فرماتے ہیں: ”اس حدیث کو ابراہیم سکسکی سے حجاج کے سوا کسی نے روایت نہیں کیا، اور حجاج سے حفص کے سوا کسی نے نہیں، اور اس میں سہل بن عثمان منفرد ہیں۔“ [المعجم الأوسط/باب الميم/حدیث: 8016]