سیدنا ابوسعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”اس ذات کی قسم جس کے ہاتھ میں میری جان ہے! تم سب کے سب ضرور جنت میں داخل ہو گے، سوائے اس کے جس نے (جنت میں جانے سے) انکار کیا اور اللہ کے حضور سے اس طرح بدک کر بھاگا جیسے اونٹ بدک کر بھاگتا ہے۔“
عرض کیا گیا: ”اے اللہ کے رسول! وہ کون ہے جس نے جنت میں داخل ہونے سے انکار کیا؟“ تو آپ صلی اللہ علیہ وسلم نے فرمایا: ”جس نے میری اطاعت کی وہ جنت میں داخل ہوگا اور جس نے میری نافرمانی کی وہ آگ میں جائے گا۔“
اس حدیث کو علاء بن مسیب رحمہ اللہ سے صرف خلف بن خلیفہ رحمہ اللہ نے روایت کیا ہے۔ [المعجم الأوسط/باب الألف/حدیث: 808]