سیدنا براء بن عازب رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”بلاشبہ مسلمانوں پر یہ حق ہے کہ وہ جمعہ کے دن غسل کریں، اور یہ کہ آدمی اپنے گھر والوں کی خوشبو میں سے خوشبو لگائے۔“ میں نے عرض کیا: اے اللہ کے رسول! تو جس کے پاس خوشبو نہ ہو (وہ کیا کرے)؟ آپ صلی اللہ علیہ وسلم نے فرمایا: «فَالْمَاءُ طِيبٌ» ”تو پانی (ہی) خوشبو ہے۔“
اس حدیث کو سیدنا براء رضی اللہ عنہ سے صرف اسی سند کے ساتھ روایت کیا گیا ہے، اور اس کی روایت میں یزید بن ابی زیاد رحمہ اللہ منفرد ہیں۔ [المعجم الأوسط/باب الألف/حدیث: 809]