سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”ایک پوری جماعت اپنے سب چھوٹے بڑے افراد سمیت جنت میں داخل ہوئی، یہ وہ لوگ تھے جو نہ دم کرواتے تھے، نہ داغ لگواتے تھے اور اپنے رب ہی پر بھروسا رکھتے تھے۔“
امام طبرانی رحمہ اللہ فرماتے ہیں: ”اس حدیث کو سعید مولیٰ مہری سے عثمان بن واقد کے سوا کسی نے روایت نہیں کیا، اور اس میں شعیب بن حرب منفرد ہیں۔“ [المعجم الأوسط/باب الميم/حدیث: 8083]