سیدنا ابوموسیٰ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”قیامت کے دن لوگوں کو اکٹھا کیا جائے گا، پھر ایک پکارنے والا منادی کرے گا: «أَلَيْسَ عَدْلًا مِنِّي أَنْ أُولِيَ كُلَّ قَوْمٍ مَا كَانُوا يَعْبُدُونَ؟» ”کیا یہ میری طرف سے عدل نہیں ہے کہ میں ہر قوم کو اسی کے سپرد کر دوں جس کی وہ عبادت کرتے تھے؟“ پھر ان کے لیے ان کے معبودوں کو ظاہر کیا جائے گا تو وہ ان کے پیچھے چل پڑیں گے، یہاں تک کہ مومنوں کے سوا کوئی باقی نہیں رہے گا۔ پس ان سے پوچھا جائے گا: ”تمہیں کیا ہوا (کہ تم کہیں نہیں گئے)؟“ وہ عرض کریں گے: ”ہمیں اپنا وہ معبود نظر نہیں آ رہا جس کی ہم عبادت کیا کرتے تھے۔“ آپ صلی اللہ علیہ وسلم نے فرمایا: ”پھر اللہ تبارک و تعالیٰ ان کے لیے تجلی فرمائے گا۔“
اس حدیث کو فرات بن سلمان رحمہ اللہ سے صرف ابو الملیح الرقی رحمہ اللہ نے ہی روایت کیا ہے۔ [المعجم الأوسط/باب الألف/حدیث: 81]