ام المومنین سیدہ عائشہ رضی اللہ عنہا سے روایت ہے کہ نبی کریم صلی اللہ علیہ وسلم نے فرمایا: ”میں نماز پڑھ رہا تھا کہ اچانک ایک شیطان میرے سامنے آ گیا، تو میں نے اسے گلے سے پکڑ لیا اور اس کا گلا دبایا، یہاں تک کہ میں نے اپنے ہاتھ پر اس کی زبان کی ٹھنڈک محسوس کی۔ اگر میرے بھائی سلیمان علیہ السلام کی دعا نہ ہوتی تو وہ صبح کو بندھا ہوا ہوتا اور تم اسے دیکھ رہے ہوتے۔“
امام طبرانی رحمہ اللہ فرماتے ہیں: ”اس حدیث کو عبیداللہ رحمہ اللہ سے حصین کے سوا کسی نے روایت نہیں کیا، اور حصین سے ابوبکر بن عیاش کے سوا کسی نے نہیں، اور اس میں یحییٰ بن آدم منفرد ہیں۔“ [المعجم الأوسط/باب الميم/حدیث: 8219]