سیدنا عبداللہ بن عمر رضی اللہ عنہما سے روایت ہے کہ نبی کریم صلی اللہ علیہ وسلم نے فرمایا: ”جس شخص نے اپنے بھائی کی طرف محبت کی نظر سے دیکھا، جبکہ اس کے دل میں اس کے خلاف کوئی کینہ نہ تھا، تو پلک جھپکنے سے پہلے ہی اس کے پچھلے گناہ بخش دیے جاتے ہیں۔“
امام طبرانی رحمہ اللہ فرماتے ہیں: ”اس حدیث کو کلیب بن وائل سے سوار بن مصعب کے سوا کسی نے روایت نہیں کیا، اور اسے بیان کرنے میں یحییٰ بن سعید العطار منفرد ہیں۔“ [المعجم الأوسط/باب الميم/حدیث: 8251]