سیدنا عمار بن یاسر رضی اللہ عنہ سے روایت ہے کہ انہوں نے فرمایا: ”جس نے رسول اللہ صلی اللہ علیہ وسلم کے صحابہ میں سے کسی کو سیدنا ابوبکر اور سیدنا عمر رضی اللہ عنہما پر فضیلت دی، تو یقیناً اس نے مہاجرین، انصار اور محمد صلی اللہ علیہ وسلم کے بارہ ہزار صحابہ کی تنقیص کی۔“
امام طبرانی رحمہ اللہ فرماتے ہیں: ”اس حدیث کو ابو سنان رحمہ اللہ سے صرف حازم بن جبلہ رحمہ اللہ نے روایت کیا ہے، اور سیدنا عمار رضی اللہ عنہ سے یہ صرف اسی سند کے ساتھ مروی ہے۔“ [المعجم الأوسط/باب الألف/حدیث: 832]