سیدنا عبداللہ بن مسعود رضی اللہ عنہ سے مرفوعاً روایت ہے کہ نبی کریم صلی اللہ علیہ وسلم نے فرمایا: ”کیا تم جانتے ہو کہ کون سا صدقہ سب سے افضل ہے؟“ صحابہ کرام رضی اللہ عنہم نے عرض کیا: ”اللہ اور اس کا رسول ہی بہتر جانتے ہیں۔“ آپ صلی اللہ علیہ وسلم نے فرمایا: ”سب سے افضل صدقہ «منحہ» ہے، یعنی تم میں سے کوئی شخص (کسی کو قرض یا عارضی طور پر) درہم دے دے، یا سواری کے جانور کی پیٹھ (سواری کے لیے) دے دے۔“
امام طبرانی رحمہ اللہ فرماتے ہیں: ”اس حدیث کو سماک سے حفص بن جمیع کے سوا کسی نے روایت نہیں کیا، اس میں عمر بن یحییٰ منفرد ہیں۔“ [المعجم الأوسط/باب الميم/حدیث: 8322]