سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم سے اس عورت کے بارے میں پوچھا گیا جو خواب میں وہی کچھ دیکھتی ہے جو مرد دیکھتا ہے، تو نبی کریم صلی اللہ علیہ وسلم نے فرمایا: ”اگر اسے انزال ہو جیسے مرد کو ہوتا ہے تو اس پر غسل واجب ہے، اور اگر انزال نہ ہو تو اس پر کچھ (واجب) نہیں۔“
امام طبرانی رحمہ اللہ فرماتے ہیں: ”اس حدیث کو یونس بن عبید سے عبداللہ بن عیسیٰ کے سوا کسی نے روایت نہیں کیا، اور عقبہ بن مکرم اس کے بیان کرنے میں منفرد ہیں۔“ [المعجم الأوسط/باب الميم/حدیث: 8355]