سیدنا ابو سعید خدری رضی اللہ عنہ سے روایت ہے کہ ہم رسول اللہ صلی اللہ علیہ وسلم کے دروازے کے پاس قرآن کا باہم مذاکرہ کر رہے تھے، کوئی ایک آیت سے استدلال کرتا اور کوئی دوسری آیت سے۔ اتنے میں رسول اللہ صلی اللہ علیہ وسلم باہر تشریف لائے، (غصے سے) آپ صلی اللہ علیہ وسلم کے چہرے کا رنگ ایسا سرخ تھا گویا اس میں انار کا دانہ نچوڑ دیا گیا ہو۔ آپ صلی اللہ علیہ وسلم نے فرمایا: ”اے لوگو! کیا تم اسی کام کے لیے بھیجے گئے ہو؟ یا تمہیں اسی بات کا حکم دیا گیا ہے؟ میرے بعد کافر بن کر نہ لوٹ جانا کہ تم میں سے بعض بعض کی گردنیں مارنے لگیں۔“ [المعجم الأوسط/باب الميم/حدیث: 8470]