سیدنا عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”جس شخص نے ایک یتیم یا دو یتیموں کو اپنے پاس پناہ دی، پھر صبر کیا اور ثواب کی نیت رکھی، تو میں اور وہ جنت میں اس طرح (ساتھ ساتھ) ہوں گے۔“ اور آپ صلی اللہ علیہ وسلم نے اپنی شہادت کی انگلی اور درمیانی انگلی کو ہلا کر اشارہ فرمایا۔
امام طبرانی رحمہ اللہ فرماتے ہیں: ”اس حدیث کو حکم سے عمران کے سوا کسی نے روایت نہیں کیا، علی بن عثمان اس کی روایت میں منفرد ہیں۔“ [المعجم الأوسط/باب الميم/حدیث: 8477]