سیدنا انس بن مالک رضی اللہ عنہ سے اللہ عزوجل کے فرمان ﴿هُوَ أَهْلُ التَّقْوَىٰ وَأَهْلُ الْمَغْفِرَةِ﴾ (وہی اس کا اہل ہے کہ اس سے ڈرا جائے اور وہی بخشش کا اہل ہے) کے بارے میں روایت ہے کہ رسول اللہ صلی اللہ علیہ وسلم نے فرمایا: ”اللہ تعالیٰ فرماتا ہے: «أَنَا أَهْلٌ أَنْ أُتَّقَى فَلَا يُشْرَكُ بِي، وَأَنَا أَهْلٌ لِمَنِ اتَّقَى أَنْ يُشْرِكَ بِي أَنْ أَغْفِرَ لَهُ» ”میں اس بات کا حق دار ہوں کہ مجھ سے ڈرا جائے اور میرے ساتھ کسی کو شریک نہ ٹھہرایا جائے، اور جو شخص میرے ساتھ شرک کرنے سے بچے، میں اس کی مغفرت فرمانے کا اہل ہوں۔“ [المعجم الأوسط/باب الميم/حدیث: 8515]