سیدنا عبداللہ بن عباس رضی اللہ عنہما سے روایت ہے کہ نبی صلی اللہ علیہ وسلم نے فرمایا: ”جو شخص صبح کے وقت یہ کلمات کہے: ﴿فَسُبْحَانَ اللهِ حِينَ تُمْسُونَ وَحِينَ تُصْبِحُونَ﴾ (پس اللہ کی تسبیح کرو جب تم شام کرتے ہو اور جب صبح کرتے ہو) سے لے کر ﴿وَكَذَلِكَ تُخْرَجُونَ﴾ (اور اسی طرح تم (قبروں سے) نکالے جاؤ گے) تک، تو وہ اپنے اس دن میں جو (نیکی) اس سے رہ گئی اسے پا لے گا، اور جو شخص شام کے وقت انہیں پڑھے تو وہ اپنی اس رات میں جو (نیکی) اس سے رہ گئی اسے پا لے گا۔“
امام طبرانی رحمہ اللہ فرماتے ہیں: ”یہ حدیث ابن عباس رضی اللہ عنہما سے صرف اسی سند سے روایت کی جاتی ہے، اس میں لیث منفرد ہیں۔“ [المعجم الأوسط/باب الميم/حدیث: 8637]