سیدنا جابر بن عبداللہ اور سیدنا ابو ایوب انصاری رضی اللہ عنہما دونوں بیان کرتے ہیں کہ رسول اللہ صلی اللہ علیہ وسلم نے فرمایا: ”جو شخص بھی کسی مسلمان کو ایسی جگہ بے یار و مددگار چھوڑ دے جہاں اس کی عزت پر حملہ کیا جا رہا ہو اور اس کی حرمت پامال کی جا رہی ہو، تو اللہ تعالیٰ اسے ایسی جگہ بے یار و مددگار چھوڑ دے گا جہاں وہ چاہے گا کہ اس کی مدد کی جائے۔ اور جو شخص بھی کسی مسلمان کی ایسی جگہ مدد کرے جہاں اس کی عزت پر حملہ کیا جا رہا ہو اور اس کی حرمت پامال کی جا رہی ہو، تو اللہ تعالیٰ ایسی جگہ اس کی مدد فرمائے گا جہاں وہ چاہے گا کہ اس کی مدد کی جائے۔“
امام طبرانی رحمہ اللہ فرماتے ہیں: ”یہ حدیث جابر اور ابو ایوب رضی اللہ عنہما سے اسی سند کے ساتھ ہی مروی ہے، اس میں لیث منفرد ہیں۔“ [المعجم الأوسط/باب الميم/حدیث: 8642]