سیدنا عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”جب باپ اپنی اولاد کو دیکھے اور وہ اسے خوش کر دے تو اولاد کے لیے ایک غلام آزاد کرنے کا ثواب لکھا جاتا ہے۔“ عرض کیا گیا: ”اے اللہ کے رسول! اگرچہ وہ تین سو ساٹھ مرتبہ دیکھے؟“ آپ صلی اللہ علیہ وسلم نے فرمایا: ”اللہ سب سے بڑا ہے۔“
امام طبرانی رحمہ اللہ فرماتے ہیں: ”یہ حدیث حکم بن ابان سے صرف ابراہیم بن اعین نے روایت کی ہے، اس میں لیث منفرد ہیں، اور یہ رسول اللہ صلی اللہ علیہ وسلم سے صرف اسی سند سے مروی ہے۔“ [المعجم الأوسط/باب الميم/حدیث: 8646]