سیدنا ابو ذر رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ”تم عنقریب ایک ایسی سرزمین فتح کرو گے جس میں ’قیراط‘ کا ذکر کیا جاتا ہے، تو وہاں کے باشندوں کے ساتھ حسنِ سلوک کی وصیت قبول کرنا، کیونکہ ان کے لیے عہد و ذمہ بھی ہے اور رشتہ داری بھی۔ پھر جب تم دو آدمیوں کو ایک اینٹ کی جگہ پر لڑتے جھگڑتے دیکھو تو وہاں سے نکل جانا۔“
امام طبرانی رحمہ اللہ فرماتے ہیں: ”یہ حدیث ابو ذر رضی اللہ عنہ سے صرف اسی سند سے مروی ہے، اس میں حرملہ بن عمران منفرد ہیں۔“ [المعجم الأوسط/باب الميم/حدیث: 8701]