سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم مسجد میں داخل ہوئے تو دیکھا کہ دو ستونوں کے درمیان ایک رسی تنی ہوئی ہے۔ آپ صلی اللہ علیہ وسلم نے پوچھا: ”یہ کیا ہے؟“ لوگوں نے عرض کیا: ”یہ فلاں خاتون کی ہے، وہ نماز پڑھتی ہے اور جب تھک جاتی ہے تو اس سے لٹک جاتی ہے۔“ تو رسول اللہ صلی اللہ علیہ وسلم نے اسے کھول دیا اور فرمایا: ”تم میں سے ہر ایک اپنی چستی اور نشاط کے مطابق نماز پڑھے، پھر جب تھک جائے تو لیٹ کر سو جائے۔“
امام طبرانی رحمہ اللہ فرماتے ہیں: ”ان احادیث کو ابو الربیع سے اسد بن موسیٰ کے سوا کسی نے روایت نہیں کیا۔“ [المعجم الأوسط/باب الميم/حدیث: 8890]