سیدنا ابوامامہ باہلی رضی اللہ عنہ سے روایت ہے کہ انہوں نے ایک ہل کا پھالا اور کھیتی باڑی کا کوئی اور آلہ دیکھا جو ان کے پاس سے گزرا تو فرمایا: میں نے رسول اللہ صلی اللہ علیہ وسلم کو فرماتے ہوئے سنا: ”یہ چیز جس گھرانے میں داخل ہوتی ہے، اللہ تعالیٰ اس میں ذلت بھی داخل کر دیتا ہے۔“
امام طبرانی رحمہ اللہ فرماتے ہیں: ”یہ حدیث ابوامامہ رضی اللہ عنہ سے صرف اسی سند سے مروی ہے، اس میں عبداللہ بن یوسف منفرد ہیں۔“ [المعجم الأوسط/باب الميم/حدیث: 8921]