سیدنا ابو الدرداء رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ”اللہ تعالیٰ فرماتا ہے: میں ہی اللہ ہوں، میرے سوا کوئی معبود نہیں، میں بادشاہوں کا مالک اور بادشاہوں کا بادشاہ ہوں، بادشاہوں کے دل میرے ہاتھ میں ہیں۔ جب بندے میری اطاعت کرتے ہیں تو میں ان کے بادشاہوں کے دلوں کو ان کے حق میں شفقت اور رحمت کی طرف پھیر دیتا ہوں، اور جب بندے میری نافرمانی کرتے ہیں تو میں ان کے بادشاہوں کے دلوں کو ان کے خلاف غصے اور انتقام کی طرف پھیر دیتا ہوں، پھر وہ انہیں بدترین عذاب کا مزہ چکھاتے ہیں۔ لہٰذا تم بادشاہوں کو بددعائیں دینے میں اپنے آپ کو مشغول نہ کرو، بلکہ ذکر اور میری طرف عاجزی و زاری میں لگ جاؤ، میں تمہارے بادشاہوں کے مقابلے میں تمہارے لیے کافی ہو جاؤں گا۔“ [المعجم الأوسط/باب الميم/حدیث: 8962]