اسحاق بن یحییٰ بن طلحہ رحمہ اللہ بیان کرتے ہیں: ”میں مسجد میں موسیٰ بن طلحہ رحمہ اللہ کے ساتھ تھا کہ سیدنا سائب بن یزید رضی اللہ عنہ تشریف لائے۔ موسیٰ بن طلحہ رحمہ اللہ نے مجھ سے کہا: ’اس بزرگ کے پاس جاؤ اور ان سے کہو کہ میرے چچا موسیٰ بن طلحہ آپ سے پوچھتے ہیں: کیا آپ نے رسول اللہ صلی اللہ علیہ وسلم کو دیکھا ہے؟‘ میں ان کے پاس آیا اور کہا: ’کیا آپ نے رسول اللہ صلی اللہ علیہ وسلم کو دیکھا ہے؟‘ انہوں نے فرمایا: ”ہاں، میں نے آپ صلی اللہ علیہ وسلم کو دیکھا ہے۔ میں اور میرے ساتھ کچھ لڑکے آپ صلی اللہ علیہ وسلم کے پاس گئے تو دیکھا کہ آپ صلی اللہ علیہ وسلم ایک طشت میں کھجوریں تناول فرما رہے ہیں اور آپ صلی اللہ علیہ وسلم کے ساتھ آپ صلی اللہ علیہ وسلم کے کچھ صحابہ بھی ہیں۔ آپ صلی اللہ علیہ وسلم نے ہمارے لیے اس کھجور میں سے ایک ایک مٹھی بھر دی اور ہمارے سروں پر ہاتھ پھیرا۔“‘“
امام طبرانی رحمہ اللہ فرماتے ہیں: ”اس حدیث کو اسحاق سے محمد بن طلحہ کے سوا کسی نے روایت نہیں کیا، اور اس میں ابراہیم بن المنذر منفرد ہیں۔“ [المعجم الأوسط/باب الميم/حدیث: 9109]