سیدنا عبداللہ ذو البجادین رضی اللہ عنہ، جن کی وفات غزوہ تبوک میں ہوئی، کے بارے میں روایت ہے کہ ان کا انتقال رات کے درمیانی حصے میں ہوا، تو رسول اللہ صلی اللہ علیہ وسلم ان کی قبر میں خود اترے اور سیدنا ابوبکر اور سیدنا عمر رضی اللہ عنہما سے فرمایا: ”اپنے بھائی کو میری طرف اتارو۔“ پھر جب رسول اللہ صلی اللہ علیہ وسلم نے انہیں لحد میں رکھ دیا تو یہ دعا فرمائی: «اللَّهُمَّ إِنِّي رَاضٍ عَنْهُ، فَارْضَ عَنْهُ» ”اے اللہ! میں اس سے راضی ہوں، تو بھی اس سے راضی ہو جا۔“ اس پر سیدنا ابوبکر رضی اللہ عنہ نے کہا: ”اللہ کی قسم! میری تمنا ہوئی کاش اس قبر والا میں ہوتا۔“
امام طبرانی رحمہ اللہ فرماتے ہیں: ”اس حدیث کو کثیر بن عبداللہ سے صرف ابراہیم بن علی نے روایت کیا ہے، اور ابراہیم بن المنذر اس میں منفرد ہیں۔“ [المعجم الأوسط/باب الميم/حدیث: 9111]