سیدنا ابوذر رضی اللہ عنہ سے روایت ہے کہ نبی کریم صلی اللہ علیہ وسلم جب بیدار ہوتے تو فرماتے: «الْحَمْدُ لِلهِ الَّذِي أَحْيَانَا بَعْدَمَا أَمَاتَنَا وَإِلَيْهِ النُّشُورُ» ”تمام تعریفیں اللہ کے لیے ہیں جس نے ہمیں موت (نیند) کے بعد زندگی بخشی اور اسی کی طرف اٹھ کر جانا ہے۔“ اور نبی کریم صلی اللہ علیہ وسلم جب (بستر پر) لیٹتے تو فرماتے: «بِاسْمِكَ اللَّهُمَّ نَمُوتُ وَنَحْيَا» ”اے اللہ! تیرے ہی نام کے ساتھ ہم مرتے (سوتے) ہیں اور جیتے (جاگتے) ہیں۔“
امام طبرانی رحمہ اللہ فرماتے ہیں: ”اس حدیث کو منصور رحمہ اللہ سے شیبان کے سوا کسی نے روایت نہیں کیا۔“ [المعجم الأوسط/باب الهاء/حدیث: 9309]