ام المومنین سیدہ عائشہ رضی اللہ عنہا بیان کرتی ہیں کہ سیدنا بلال رضی اللہ عنہ نبی کریم صلی اللہ علیہ وسلم کے پاس کھڑے ہوئے اور کہنے لگے: ”فلاں عورت فوت ہو گئی اور اسے راحت مل گئی۔“ اس پر نبی کریم صلی اللہ علیہ وسلم ناراض ہوئے اور فرمایا: ”راحت تو دراصل اسی کو ملی جس کی مغفرت کر دی گئی۔“
امام طبرانی رحمہ اللہ فرماتے ہیں: ”اس حدیث کو ابو الاسود سے ابن لہیعہ کے سوا کسی نے روایت نہیں کیا، اور نہ ابن لہیعہ سے معافی کے سوا کسی نے، اور عبدالکبیر اس میں منفرد ہیں۔“ [المعجم الأوسط/باب الهاء/حدیث: 9379]