سیدنا ابوذر رضی اللہ عنہ سے روایت ہے کہ انہوں نے فرمایا: میں نے رسول اللہ صلی اللہ علیہ وسلم کو یہ فرماتے ہوئے سنا: ”جن دو مسلمان والدین کے تین ایسے بچے فوت ہو جائیں جو ابھی سنِ بلوغت (گناہ لکھے جانے کی عمر) کو نہ پہنچے ہوں، تو اللہ تعالیٰ ان بچوں پر اپنی رحمت کے فضل کی بدولت ان دونوں کو جنت میں داخل فرما دیتا ہے، اور جو بھی مسلمان اللہ کی راہ میں اپنے مال میں سے جوڑا (دو چیزیں) خرچ کرتا ہے، تو جنت کے دربان اس کے استقبال کے لیے لپکتے ہیں۔“ [المعجم الأوسط/باب الألف/حدیث: 962]