اللہ تبارک و تعالیٰ کا فرمان ہے: ﴿فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا﴾ ”تو عورتوں میں سے جو تمہیں پسند ہوں ان سے نکاح کرو، دو دو، تین تین اور چار چار، پھر اگر تمہیں اندیشہ ہو کہ تم انصاف نہیں کر سکو گے تو ایک ہی (بیوی) یا جو تمہاری ملکیت میں ہوں، یہ اس بات کے زیادہ قریب ہے کہ تم (زیادہ عیال کے بوجھ تلے) نہ دبو۔“ [سورة النساء: 3]
امام شافعی رحمہ اللہ نے فرمایا: ”(یعنی) جب آدمی ایک ہی بیوی پر اکتفا کرے تو ان لوگوں کی تعداد زیادہ نہیں ہوگی جن کی تم کفالت کرتے ہو، اگرچہ اللہ تعالیٰ نے اس کے لیے اس سے زیادہ (بیویاں) مباح کی ہیں۔“ [السنن الكبرى للبيهقي/كتاب الرضاع/حدیث: Q15688]

ثعلب، امام شافعی رحمہ اللہ کے اس قول کے متعلق، جو اللہ تعالیٰ کے فرمان ﴿ذَلِكَ أَدْنَى أَلَّا تَعُولُوا﴾ [سورة النساء: 3] کے بارے میں ہے کہ ”تمہاری اولاد یا عیال زیادہ نہ ہو“، فرماتے ہیں: ”یہ لغت کے اعتبار سے زیادہ اچھی ہے۔“ [السنن الكبرى للبيهقي/كتاب الرضاع/حدیث: 15688]