نافع، سیدنا عبداللہ بن عمر رضی اللہ عنہما سے نقل فرماتے ہیں کہ نبی صلی اللہ علیہ وسلم نے بنو نضیر کے کھجور کے درخت جلا دیے، جس کے بارے میں حسان رضی اللہ عنہ نے کہا تھا: ”بنو لوی کے سرداروں پر بویرہ نامی جگہ پر پھیلی ہوئی کھجور کے درخت جلانے آسان ہو گئے۔“
اس کا جواب ابو سفیان بن حارث رضی اللہ عنہ نے دیا تھا:
”اللہ کرے یہ کام جاری رہے اور آگ اس کے اطراف میں بھڑکی رہے، عنقریب تم لوگ جان لو گے کہ ہم میں سے کون بچا ہے اور تمہیں معلوم ہو جائے گا کہ ہم میں سے کس کی زمین کا نقصان ہوا ہے۔“ [السنن الكبرى للبيهقي/كتاب السير/حدیث: 18114]