سیدہ ام ورقہ بنت عبداللہ بن حارث رضی اللہ عنہا فرماتی ہیں کہ رسول اللہ صلی اللہ علیہ وسلم ان کے پاس تشریف لاتے تھے، آپ صلی اللہ علیہ وسلم نے ان کا نام شہیدہ رکھا ہوا تھا، ان کو قرآن یاد تھا۔ نبی صلی اللہ علیہ وسلم جب غزوہ بدر کے لیے نکلے تو وہ کہنے لگیں: مجھے بھی اجازت دیں تاکہ میں زخمیوں کو دوا دوں گی اور مریضوں کی تیمار داری کروں گی، شاید اللہ مجھے بھی شہادت دے دے۔ آپ صلی اللہ علیہ وسلم نے فرمایا: ”اللہ تجھے شہادت کا ہدیہ دینے والا ہے۔“ آپ صلی اللہ علیہ وسلم ان کا نام شہیدہ لیتے تھے۔ نبی صلی اللہ علیہ وسلم نے ان کو حکم دیا کہ وہ اپنے گھر والوں کی امامت کروائیں۔ ان کی لونڈی اور غلام نے مل کر ان کو عمر رضی اللہ عنہ کے دورِ حکومت میں مار ڈالا۔ کہا گیا کہ ام ورقہ رضی اللہ عنہا کو اس کے غلام اور لونڈی نے قتل کر دیا ہے اور وہ دونوں بھاگ گئے۔ ان کو پکڑ کر لایا گیا اور سولی دی گئی۔ حضرت عمر رضی اللہ عنہ نے فرمایا: رسول اللہ صلی اللہ علیہ وسلم نے صحیح فرمایا تھا کہ ”چلو ہم شہیدہ سے ملنے چلیں۔“ [السنن الكبرى للبيهقي/كتاب الصلاة/حدیث: 5353]