(الف) معاویہ بن قرہ رحمہ اللہ فرماتے ہیں کہ میرے دو چچا تھے، دونوں درخت کے پاس حاضر ہوئے (اصحاب الشجرہ رضی اللہ عنہم) اور دونوں اپنی مونچھیں اور ناخن ہر جمعہ کاٹتے تھے۔ (ب) سیدنا عبداللہ بن عباس رضی اللہ عنہما سے مرفوعاً منقول ہے کہ ”مومن ہر جمعہ محرم کی حالت میں ہوتا ہے، وہ نماز کی تکمیل تک نہ تو اپنے بال تراشتا ہے اور نہ ناخن کاٹتا ہے۔“ (ج) سیدنا عبداللہ بن عمر رضی اللہ عنہما سے مرفوعاً منقول ہے کہ ”مسلمان جمعہ کے دن محرم ہوتا ہے، جب وہ نماز پڑھ لیتا ہے تو حلال ہو جاتا ہے۔“ [السنن الكبرى للبيهقي/كتاب الجمعة/حدیث: 5965]