مجالد، شعبی رحمہ اللہ سے نقل فرماتے ہیں کہ جب فاطمہ رضی اللہ عنہا فوت ہوئیں تو علی رضی اللہ عنہ نے انہیں رات میں ہی دفن کر دیا اور ابوبکر صدیق رضی اللہ عنہ کو بازو سے پکڑا اور انہیں نمازِ جنازہ کے لیے آگے کر دیا۔
اس سند سے اسی طرح مروی ہے، لیکن صحیح یہ ہے کہ سیدہ عائشہ رضی اللہ عنہا قصہ میراث میں بیان فرماتی ہیں کہ فاطمہ رضی اللہ عنہا بنتِ رسول اللہ صلی اللہ علیہ وسلم آپ صلی اللہ علیہ وسلم کے بعد چھ ماہ زندہ رہیں۔ جب وہ فوت ہوئیں تو علی رضی اللہ عنہ نے انہیں رات کے وقت ہی دفن کیا اور ابوبکر رضی اللہ عنہ کو اطلاع نہ دی اور نمازِ جنازہ بھی علی رضی اللہ عنہ نے پڑھی۔ [السنن الكبرى للبيهقي/كتاب الجنائز/حدیث: 6896]