سیدنا بشیر رضی اللہ عنہ بیان کرتے ہیں: میں نبی اکرم صلی اللہ علیہ وسلم کا ہاتھ پکڑ کر نبی اکرم صلی اللہ علیہ وسلم کے ساتھ چل رہا تھا، آپ نے مجھ سے فرمایا: اے ابن خصاصیہ! تمہیں اللہ تعالیٰ پر کس بات کا اعتراض ہے؟ کہ تم اللہ کے رسول کے ساتھ چل رہے ہو؟ راوی کہتے ہیں: میں نے عرض کی: مجھے اللہ تعالیٰ پر کسی چیز کا اعتراض نہیں ہے، اللہ تعالیٰ نے مجھے ہر قسم کی بھلائی عطا کی ہے۔ علامہ ہیثمی فرماتے ہیں:) میں یہ کہتا ہوں: اس کے بعد راوی نے پوری حدیث ذکر کی ہے۔
یہ روایت امام أحمد نے نقل کی ہے اور امام طبرانی نے اس کی مانند نقل کی ہے تاہم انہوں نے یہ الفاظ نقل کئے ہیں: ”اللہ تعالیٰ نے مجھے ہر قسم کی بھلائی عطا کی ہے“ اس کے رجال صحیح کے رجال ہیں، صرف خالد بن سمیر کا معاملہ مختلف ہے اور وہ ثقہ ہے۔ [مجمع الزاوئد ومنبع الفوائد/كتاب المناقب/حدیث: 16091]