ایک انصاری کے بارے میں یہ بات منقول ہے: وہ ایک سیاہ فام کنیز کو لے کر آیا، اور عرض کی: یا رسول اللہ! مجھ پر ایک مؤمن گردن کو آزاد کرنا لازم ہے، اگر آپ یہ سمجھتے ہیں کہ یہ کنیز مومن ہے، تو میں اسے آزاد کر دیتا ہوں، نبی اکرم صلی اللہ علیہ وسلم نے اس کنیز سے دریافت کیا: ”کیا تم اس بات کی گواہی دیتی ہو؟ کہ اللہ تعالیٰ کے علاوہ اور کوئی معبود نہیں ہے؟“ اس نے جواب دیا: جی ہاں! نبی اکرم صلی اللہ علیہ وسلم نے دریافت کیا: ”کیا تم اس بات کی گواہی دیتی ہو؟ کہ میں اللہ کا رسول ہوں؟“ اس نے جواب دیا: جی ہاں! نبی اکرم صلی اللہ علیہ وسلم نے دریافت کیا: ”کیا تم مرنے کے بعد دوبارہ زندہ کئے جانے پر ایمان رکھتی ہو؟ اس نے عرض کی: جی ہاں! نبی اکرم صلی اللہ علیہ وسلم نے (اس انصاری شخص سے) فرمایا: تم اسے آزاد کر دو!“
یہ روایت امام أحمد نے نقل کی ہے اور اس کے رجال صحیح کے رجال ہیں۔ [مجمع الزاوئد ومنبع الفوائد/كتاب الإيمان/حدیث: 41]